ماڵپەڕی (گالۆپ گڵۆباڵ ئیمۆشنز) بڵاویکردەوە، عێراق لە پلەی یەکەمی وڵاتانی عەرەبی و دووەمی جیهاندایە، لەڕووی توڕەیی دانیشتووانەوە بۆ ساڵی 2024.
ماڵپەڕەکە توێژینەوەیەکی بڵاوکردووەتەوە و تێیدا ئاماژەی بەوەکردووە، “لە دوای عێراقەوە کە لە پلەی یەکەمدایە لەسەر ئاستی وڵاتانی عەرەبی، ئوردن بە پلەی دووەم، لیبیا بە پلەی سێیەم، تونس بە پلەی چوارەم، مەغریب بە پلەی پێنجەم و لوبنان ئیمارات، لە پلەی شەشەم و حەوتەمدان.
لەسەر ئاستی جیهانیش، قوبرسی باکور، لە ریزبەندی یەکەمی توڕەییدایە، دواتر عێراق، دواتر ئەرمینیا لە پلەی سێیەم و ئوردن لە پلەی چوارەم و کۆماری کۆنگۆ، لە پلەی پێنجەمدایە.
هەریەکە لە وڵاتانی ڤیێتنام، فینلاند، ئیستۆنیا، پۆرتوگال و مەکسیک، لەو وڵاتانەن کە لەڕووی توڕەیی دانیشتووانەوە، لە پلەکانی کۆتایین.
