بەپێی ئەو زانیارییانەی بە تۆڕی میدیایی ئێستا دراون، چاوەڕواندەكرێت پێش جەژنی قوربان مووچەی مانگی پێنج دابەشبكرێت و دوای دابەشكردنی مووچەی مووچەخۆرانی عێراق پارەی تەرخانكراو بۆ مووچەی مانگی پێنج بۆ هەرێم بنێردرێت.
هەر لە زانیارییەكاندا هاتووە، هیچ گرفتێك بۆ ناردنی پارەی تەرخانكراو بۆ مووچەی مووچەخۆرانی هەرێم بۆ مانگی پێنج نییە، هەرچەندە بۆ مووچەی رابردوو گرفتی نەختینە هەبووە، بەڵام بۆ ئەم مانگە ئەو گرفتە نییە و چارەسەرکراوە.
پێشتر راگەیەندرا لەم هەفتەیەدا هەرێمی كوردستان لیستی مووچەی مانگی پێنج و تەرازووی پێداچوونەوە و داهاتی ناوخۆ بۆ بەغداد دەنێرێت.
