دوای نیوەڕۆی ئەمڕۆ منداڵێک لە بەنداوی دێوانە خنکا و تا ئێستا تەرمەکەی دەرنەهێنراوەتەوە.
كەیوان ئەحمەد بەڕێوەبەری بەرگری شارستانی دەربەندیخان بە تۆڕی میدیایی ئێستای راگەیاند، “دواینیوەڕۆی ئەمڕۆ منداڵێك کەوتووەتە ناو ئاوی بەنداوی دێوانە لە نزیک دەربەندیخان و خنکاوە”.
ئاماژەی بەوەشکرد، “منداڵەکە بە رەگەز عەرەبە، تائێستا نەتوانراوە تەرمەکەی بدۆزرێتەوە، لە ئێستادا تیمەکانی بەرگری شارستانیی دەربەندیخان و بەشێک لە هاوڵاتییانی سنوورەکە سەرقاڵی گەڕانن بەدوایدا”.
