کۆمسیۆنی عێراق رایگەیاند، تاوەکو ئێستا نزیکەی ملیۆنێک و 300 هەزار کەس کارتەکانیان نوێکردووەتەوە.
کۆمسیۆنی باڵای سەربەخۆی هەڵبژاردنەکانی عێراق رایگەیاند،”ژمارەی ئەو دەنگدەرانەی کە کارتی بایۆمەتریی دەنگدانیان نوێکردووەتەوە گەیشتووەتە ملیۆنێک و 292 هەزار و 45 کەس”.
دەشڵێت، نەینەوا بە 201 هەزار و 186 دەنگدەر پێشەنگی ریزبەندییەکەی گرتووە، دوای ئەویش بەغداد بە 137 هەزار و 122 کەس لە پلەی دووەمدایە و کەرخیش بە 127 هەزار و 702 دەنگدەر، لە پلەی سێیەمدایە.
بەپێی داتاکانی کۆمسیۆن، هەولێر بە 95 هەزار و 417 دەنگدەر پلەی چوارەمی ریزبەندییەکەی بەدەستهێناوە، سەڵاحەدین بە 74 هەزار و 808 دەنگدەر پلەی پێنجەمە، ئەنبار بە 71 هەزار و 825 دەنگدەر لە پلەی شەشەمدایە و، کەرکوکیش بە 71 هەزار و 407 دەنگدەر پلەی حەوتەمی بەدەستهێناوە.
