ئاوات شێخ جەناب، وەزیری دارایی و ئابوریی هەرێم، سەرجەم یەكە ژمێریارییەكانی پارێزگای هەولێری ئاگاداركردووەتەوە كە تاوەكو 27ـی ئایاری 2025 دوا وادەیە بۆ دابەشكردنی مووچە بەشێوەی نەختینە.
بەپێی نووسراوێك كە لە 28ـی نیسانی ئەمساڵ دەركراوە و واژووی ئاوات شێخ جەناب وەزیری دارایی هەرێمی لەسەرە و بۆ سەرجەم یەكە ژمێریارییەكانی سەر بە پارێزگای هەولێر نێردراوە و تێیدا هاتووە،”ئەو فەرمانبەرانەی تاوەكو ئێستا فۆڕمیان پڕنەكردووەتەوە، زانیاری و بەڵگەنامەی پێویستیان پێشكەشنەكردووە بۆ ئەوەی هەژماری بانكییان بۆ بكرێتەوە، لە دوای ئەو وادەیە ناتوانن مووچە وەربگرن”.
ئاماژە بۆ ئەوەش كراوە، پێویستە هەموو ئەو فەرمانبەرانەی هەژماری بانكییان كردووەتەوە، بەڵام نەچوون كارتی بانكییەكانیان وەربگرنەوە، تاوەكو 27ـی ئایاری 2025 كارتەكانیان وەربگرنەوە.
