بەڕێوەبەری راگەیاندنی کارەبای سلێمانی، رایدەگەیەنێت، 36 هەزار هاوبەشی کارەبا چوونەتە پرۆژەی رووناکییەوە.
سیروان محەمەد، بەڕێوەبەری راگەیاندنی کارەبای سلێمانی، بە تۆڕی میدیایی ئێستای راگەیاند، تاوەکو ئێستا لە سلێمانی سێ قۆناغی پرۆژەی رووناکی جێبەجێکراون و 20 گەڕەک کە دەکاتە 36 هەزار هاوبەشی کارەبا چوونەتە پرۆژەی رووناکییەوە.
وتیشی، لەسەرەتای مانگی داهاتووەوە کۆمەڵێک گەڕەکی نوێ دەچنە ناو پرۆژەکەوە و بەپێی ئەو پلانەی دانراوە تاوەکو کۆتایی ئەمساڵ کارەبای ناو سەنتەری سلێمانی دەبێت بە 24 کاتژمێری.
لەبارەی پێوەری زیرەکی کارەبا سیروان محەمەد، رایگەیاند، 75%ی هاوبەشانی کارەبا پێوەری زیرەکیان بۆ دانراوە.
