ئاگرێک لە سنووری گوندی تەلان لەسەر رێگای سلێمانی – دوکان کەوتووەتەوە و تیمەکانی بەرگریی شارستانیی سلێمانی سەرقاڵی کۆنتڕۆڵکردنین.
ئارام عەلی وتەبێژی بەرگریی شارستانیی سلێمانی بە تۆڕی میدیایی ئێستای راگەیاند، لە ئێوارەی ئەمڕۆوە ئاگرێک لە سنووری گوندی تەلان لەسەر رێگای سلێمانی – دوکان کەوتووەتەوە و بەهۆیەوە رووبەرێکی فراوان لە پووش و پاوەنی سنوورەکە سووتاوە.
ئاماژەی بەوەشکرد، تیمەکانمان هەر زوو گەیشتوونەتە شوێنی رووداوەکە و دەتوانین بڵێین لە ئێستادا لە قۆناغی کۆتایی کۆنتڕۆڵکردنی ئاگرەکەدان.
