شاڵاو هیدایەت، شارەزای بواری كەشناسی لە لێدوانێكدا بە تۆڕی میدیایی ئێستای راگەیاند، كاریگەریی حاڵەتی دابارین و خۆڵبارین كۆتایی دێت و لە سبەی هەینی و رۆژانی دواتر كەشوهەوا ئاسایی و سەقامگیر دەبێتەوە و خێرایی بۆ رۆژانی داهاتوو لەسەرخۆ بۆ مامناوەند دەبێت.
دەشڵیت، “لە هەفتەی داهاتوودا دووبارە پلەكانی گەرما بەرزدەبنەوە و رۆژی شەممەی داهاتوو كاریگەریی تۆپەڵە هەوایەكی گەرم هەندێك شوێن دەگرێتەوە، بەڵام لە یەكشەممەوە دەگاتە تەواوی ناوچەكان و بەو هۆیەوە پلەكانی گەرما لەسەرتاسەری ناوچەكان بەرزدەبنەوە”.
ئاماژەی بۆ ئەوەش كردووە، كۆتایی ئەم مانگە ئەگەری بارینی باران و هەورەبروسكە هەیە.
