رێکخراوی CPT بڵاویکردەوە، تورکیا لە سەرەتای ئەمساڵەوە 616 هێرشی بۆ سەر خاکی هەرێم ئەنجامداوە، لە دوو مانگی رابردوودا و دوای راگەیاندنی ئاگربەست هێندەی کاتەکانی پێشوو هێرشی ئەنجامداوە.
لە راپۆرتێکی رێکخراوی CPT دا هاتووە، زیاتر لە دوو مانگ تپەڕیوە بەسەر بانگەوازی ئاشتی رێبەری زیندانیکراوی پارتی کرێکارانی کوردستان پەکەکە و راگەیاندنی ئاگربەستی یەکلایەنە، بەڵام هێرشەکانی تورکیا بەردەوام لە زیادبووندایە، بە شێوەیەک لە سەرەتای مانگی نیسانەوە، لایەنی کەم 210 بۆردومان و هێرشی هێلیکۆپتەری لە هەرێم تۆمارکراوە، کە زۆرینەیان رووە و پارێزگای دهۆک بوون.
ئاشکراشیکرد، تورکیا لە سەرەتای ئەمساڵەوە 616 هێرشی بۆ سەر خاکی هەرێم ئەنجامداوە، بەهۆیانەوە سێ هاوڵاتیی مەدەنی شەهیدبوون و شەشی دیکەش برینداربوون.
