بڕیارە مانگی داهاتوو فڕۆکەخانەی نێودەوڵەتیی موسڵ بکرێتەوە.
محەمەد کاکەیی، سەرۆکى لیژنەى ئەمنیى ئەنجومەنى پارێزگاى نەینەوا رایگەیاند، رۆژى 10ى حوزەیرانى 2025 فڕۆکەخانەى نێودەوڵەتیى موسڵ دەکرێتەوە و گەشتەکان دەستپێدەکەنەوە.
وتیشی، “دەستپێکی گەشتەکانی فڕۆکەخانەکە گەشتێکى فڕۆکەوانیى محەمەد شیاع سودانى، سەرۆک وەزیرانی عێراق دەبێت کە لە بەغدادەوە بۆ فڕۆکەخانەی موسڵ ئەنجامدەدرێت”.
رۆژی 10ى ئابى 2022، بەردی بناغەی نۆژەن و ئامادەکردنەوەی فڕۆکەخانەی نێودەوڵەتیی موسڵ لەلایەن مستەفا کازمى، سەرۆک وەزیرانى ئەو کاتەى عێراق دانرا.
