شارەوانیی سەیدسادق، رایدەگەیەنێت، “لەکاتی بینینی ئەو خاوەن ئۆتۆمبێلانەی خۆڵ و خاشاک لە شوێنە گشتییەکان فڕێدەدەن ئاگادارمان بکەنەوە”.
سەرۆكایەتیی شارەوانیی سەیدسادق، رایگەیاند، داوا لە هاوڵاتییان دەکەین لەکاتی بینینی ئەو خاوەن ئۆتۆمبێلانەی هەڵدەستن بە فڕێدانی خۆڵ و خاشاک لە شوێنە گشتیەکان و گۆڕەپان و چەم و شەقامەکان لەگەڵ ئەو ئۆتۆمبێلانەی نەمام و درەختەکانی دوورگە ناوەندییەکان و شۆستەکان دەشکێنن و تێکیدەدەن تەنها ژمارەی ئۆتۆمبێلەکان و جۆرەکەیمان بۆ بنێرن بە وێنەوە بە مەبەستی گرتنەبەری رێکاری یاسایی و غەرامەکردنیان”.
دەشڵێت، لە چەند رۆژی رابردوو لەلایەن کارمەندانی پۆلیسی هاتوچۆوە رێکاری یاسایی بەرامبەر چەند خاوەن ئۆتۆمبێلێک گیراوەتەبەر و ناو و ژمارەی ئەو کەسانەی ژمارەی ئۆتۆمبێلەکانمان بۆ دەنێرن پارێزراوە لامان .
