بەڕێوەبەرایەتیی پۆلیسی هەولێر رایدەگەیەنێت، ئەو كەسەی بەهەرەمەكی تەقەی كرد دەستگیركرا.
لە راگەیەندراوەكەی بەڕێوەبەرایەتیی پۆلیسی هەولێردا هاتووە، تۆمەتبار لەسەر كێشەیەكی كۆمەڵایەتی لەگەڵ چەند كەسێك دەبێتە دەمەقاڵییان و دواجار بەشێوەیەكی هەرەمەكی تەقە دەكات و كەسی بەرامبەر بریندار دەكات.
هەر لە راگەیەندراوەكەدا هاتووە، دوای تۆماركردنی سكاڵا و وەرگرتنی رەزامەندیی دادوەری لێكۆڵینەوە، تۆمەتبار لەلایەن بەڕێوەبەرایەتیی پۆلیسەوە دەستگیركرا و پەڕاوی لێكۆڵینەوەی بۆ كراوەتەوە و دراوەتە دادگا.
