وتەبێژی وەزارەتی گواستنەوە و گەیاندن رایگەیاند، هیچ بڕیارێک بۆ لەکارخستنی هێڵەکانی ئینتەرنێت لە ئارادا نییە.
دیلان رەشاد وتەبێژی وەزارەتی گواستنەوە و گەیاندن بە تۆڕی میدیایی ئێستای راگەیاند، هەموو دەنگۆیانەی سەبارەت بە لەکارخستنی هێڵەکانی ئینتەرنێت لە کاتەکانی شەو تا بەیانی بڵاوبوونەتەوە دوورن لە راستییەوە، هیچ بڕیارێک بۆ داخستنی هێڵەکانی ئینتەرنێت لە هیچ کاتێکدا نییە.
ئاشکراشیکرد، بڕیاری لەکارخستنی هێڵەکانی ئینتەرنێت تەنها لە رۆژانی تاقیکردنەوە گشتییەکانی قۆناغی 12 ی ئامادەیی جێبەجێدەکرێت.
