ئەمڕۆ دووشەممە، ئاگر لە دەروازەی سنووریی مونزرییە-ی نێوان عێراق و ئێران، لە نزیک قەزای خانەقین لە رۆژهەڵاتی پارێزگای دیالە، کەوتەوە.
جەواد فەیزوڵڵا، سەرۆکی شارەوانیی قەزای خانەقین رایگەیاند، “تائێستا هۆکاری ئاگرکەوتنەوەکە نادیارە، بەڵام بەهۆی بای بەهێزەوە تەشەنەی سەندووە”.
ئاماژەی بەوەشکرد، تیمەکانی بەرگریی شارستانی و دەزگا پەیوەندیدارەکانی حکومەتی ناوەندی و حکومەتی هەرێم، ئاگرەکەیان کۆنترۆڵکرد و رێگرییان لە بڵاوبوونەوەی زیاتری کرد.
وتیشی، رووداوەکە هیچ زیانێکی مرۆیی و ماددیی بەرچاو لێنەکەوتووەتەوە.
