بەڕێوەبەرایەتیی خۆپاراستنی تەندروستیی سلێمانی رێنماییەکی بۆ خۆپاراستن لە کۆلێرا بڵاوکردووەتەوە و دەڵێت، “پێویستە بە بەردەوامی تانکی ئاوی خواردنەوە پاکژبکرێتەوە، و ئەگەر بۆ خواردنەوە بەکارهێندرا بکوڵێندرێت و ساردبکرێتەوە پاشان بخورێتەوە”.
لە راگەیەندراوەکەیە خۆپاراستنی تەندروستیی سلێمانیدا ئاماژە بەوەشکراوە، پێویستە پاککردنەوەی تانکی سەربان لانی کەم شەش مانگ جارێک بکرێت و بەشێوەیەکی باش سەریان داپۆشراوبێت بۆ ئەوەی ئاوەکە بە خاوێنی بمێنێتەوە.
ئەمەش لەدوای پشتڕاستکردنەوەی هەشت حاڵەتی کۆلێرا لە شاری سلێمانی دێت، کە لە نەخۆشخانەکان خەوێندراون و لەژێر چاودێری پزیشکیدان و بەڕێوەبەری تەندروستیی سلێمانی داوای لە هاوڵاتییان کرد خۆیان لە خواردنی سەوزە بەدووربگرن چونکە هەندێکیان بە ئاوی قورس ئاودەدرێت کە بەکارهێنانیان نەشیاوە.
