وەزیری دارایی عێراق رایگەیاند، “لە بودجەی سێ ساڵیدا نزیکەى 400 هەزار فەرمانبەری گرێبەست کراون بە هەمیشەیى”.
تەیف سامی، وەزیری دارایی عێراق، رایگەیاند، “لە یاساى بودجەى گشتیى سێ ساڵیدا 2023، 2024 و 2025 بڕیاری دامەزراندنی 921 هەزار و 665 کەس جێبەجێکراوە و هەروەها گرێبەستى 396 هەزار و 521ى ئەو کەسانە کراوەتە هەمیشەیی کە وانەبێژ و کارمەندی کارگێڕیى وەزارەتى پەروەردە و وەزارەتەکانى دیکە بوون”.
تەیف سامی ئاماژەی بەوەشکرد، ژمارەى ئەو کەسانەى بەشێوەى گرێبەست لەسەر یاسای بودجەى گشتى دامەزرێنراون گەیشتووەتە 84 هەزار و 827 کەس.
