توێژینەوەیەکی نوێ سەلماندوویەتی، بەرهەمە جوانکارییەکان مەترسییەکی بەردەوام و بێدەنگن لەسەر تەندروستیی ژنان.
توێژینەوەکە لەلایەن توێژەرانی ئەمریکییەوە ئەنجامدراوە و تێیدا پشکنین بۆ سەدان بەرهەمی جوانکاری ئەنجامدراوە و دەرکەوتووە ماددەی DEHP ی کیمیاییان تێدایە، کە بە ماددەیەکی بکوژ ناسراوە.
توێژەران دەڵێن، پێست بە ئاسانی ئەو ماددەیە هەڵدەمژێت و دەبێتە هۆی هەوکردنی پێست و ئەکزیما و چەندین جۆر نەخۆشی درێژخایەنی دیکە.
ماددەی DEHP، لە بەرهەمەکانی بۆیەی نینۆک، سووراو، کرێمی رۆژانە و بۆنەکاندا هەیە.
توێژەران دەڵێن، چەندین ماددەی جۆراوجۆری دیکە هەن لەناو بەرهەمە جوانکارییەکاندا کە مەترسین بۆ سەر ژیانی ژنان لەوانە تێکدانی سووڕی مانگانە، ئەو کەسانەشی بە شێوەی رۆژانە و بەردەوام بەرهەمە جوانکارییەکان بەکاردەهێنن زۆرترین زیانیان پێدەگات.
