هەڤاڵ سدیق گەڵۆزی، شارەزای بواری كەشناسی رایگەیاند، سبەی هەینی پلەكانی گەرما لە تەواوی ناوچە جیاوازەكانی هەرێم 2 بۆ 3 پلە سیلیزی بەرزبوونەوەی زیاتر بەخۆیەوە دەبینێت.
وتیشی، “بەهۆی بەرزیی شێ لە هەوادا و بەرزیی تیشكی سەرووی وەنەوشەیی لە كاتەكانی پێشنیوەڕۆ بۆ دوای نیوەڕۆ باشتر وایە ئەو كەسانەی لەماڵ دەچنە دەرەوە بۆ مەبەستی گەشت و سەیران خۆیان نەدەنە بەر تیشكی خۆر.
راشیگەیاند، سبەی لە كاتەكانی نیوەڕۆ بۆ ئێوارە لە ناوچەكانی باكووری خۆرهەڵاتی هەرێم، بەهۆی هەبوونی شێ و دروستبوونی هەور لە بەشێك لە ناوچە شاخاوییەكانی دهۆك و ئیدارەی سۆران و بەشێك لە ناوچەكانی ئیدارەی راپەڕین و سلێمانی و كۆیە ودەوروبەری ئەگەری تاوەبارانی كورتخایەن و چالاكبوونی هەورەبروسكە هەیە.
