بەڕێوەبەری گشتیی بازرگانیی هەرێم داوا لە هاوڵاتییان دەکات، پسووڵەی خۆراکیان بگۆڕن بۆ ئەلیکترۆنی و دەشڵێت، هەرکەسێک پسووڵەی خۆراکەکەی نەکاتە ئەلیکترۆنی، بەشەخۆراکی رادەگیرێت.
نەوزاد شێخ کامیل، بەڕێوەبەری گشتیی بازرگانیی هەرێم لە کۆنفرانسێکی رۆژنامەنوسیدا رایگەیاند، لە پارێزگای هەڵەبجەوە دەستدەکەین بە پرۆسەی بەئەلیکیتۆنیکردنی پسووڵەی خۆراک.
داواش لە هاوڵاتییان دەکات، “لەڕێی ئەو بەرنامەیەی خراوەتە بەردەست، فۆرمی خۆراکەکەیان پڕبکەنەوە، چونکە ئەگەر پسووڵەی خۆراک نەکرێتە ئەلیکترۆنی، بەشەخۆراک رادەگیرێت”.
وتیشی، داوا لە هاوڵاتییان دەکەین کارتی نیشتمانی دەربهێنن، چونکە بەبێ کارتی نیشتمانی، هاوڵاتی ناتوانێت بەشداریی ئەو سیستمە بکات.
