بەڕێوەبەرایەتیی پۆلیسی هەولێر رایدەگەیەنێت، دوای ئەوەی ئافرەتێك سكاڵای تۆماركرد، بەڕێوەبەرایەتی پۆلیسی پارێزگای هەولێر تۆمەتبارێكی بە تۆمەتی هەڕەشەكردن لە ئافرەتان دەستگیركرد.
لە راگەیەندراوەكەی پۆلیسی هەولێردا هاتووە،”دوای لێكۆڵینەوە و بەدواداچوونی ورد لە لایەن تیمەكانمانەوە، شوێنی تۆمەتبار دەستنیشانكراو دەستگیركراو تۆمەتبار بە بڕیاری دادوەری لێكۆڵینەوە راگیراوە.
هەر لە راگەیەندراوەكەدا هاتووە، پۆلیسی هەولێر داوا لە هاوڵاتییان دەكات، “تۆڕە كۆمەڵایەتییەكان بە هۆشیارییەوە بەكاربهێنن و وێنە و ڤیدیۆی نەشیاو بۆ كەس نەنێرن، بۆ ئەوەی تووشی كێشە و گرفتی جۆراوجۆر نەبنەوە، لە كاتی بوونی هەر كێشەیەك لە تۆڕە كۆمەڵایەتییەكان و بڵاوبوونەوەی وێنە و ڤیدیۆی نەشیاو، دەتوانن پەیوەندی بە هێڵی گەرمی پۆلیسەوە بكەن بە ژمارە 07508088080”.
