وتەبێژی تەندروستیی چەمچەماڵ، رایگەیاند، لە ماوەی 24 کاتژمێری رابردوودا 43 حاڵەتی هەناسەتەنگی بەهۆی خۆڵبارینەوە تۆمارکراون”.
شەریف رەحیم، وتەبێژی تەندروستیی چەمچەماڵ، بە تۆڕی میدیایی ئێستای راگەیاند، “لە ماوەی 24 کاتژمێری رابردوودا 43 حاڵەتی هەناسەتەنگی بەهۆی خۆڵبارینەوە تۆمارکرا و لە نەخۆشخانە چارەسەرکران”.
وتیشی، “بەشێکی زۆریان تەمەنیان هەڵکشابوو زۆرینەیان نەخۆشیی رەبۆیان لەگەڵدا بوو، سەرجەمیان دوای وەرگرتنی چارەسەر نەخۆشخانەکانی فریاکەوتنیان بەجێهێشت و باری تەندروستییان جێگیرە”.
شەریف رەحیم، ئەوەشی وت، “خۆڵبارین کاریگەریی لەسەر چاو، پێست و سییەکان بەجێدەهێڵێت پێویستە هاوڵاییان لە ماڵەکانی خۆیان بمێننەوە و بۆ کاری زۆرپێویست نەبێت نەچنە دەرەوە ئەگەریش ناچاربوون بچنە دەرەوە دەمامک بەکاربهێنن”.
