کەشناسیی هەرێم رایگەیاند، ئەمڕۆ و سبەی، لە چەند ناوچەیەکی هەرێم باران دەبارێت و پلەی گەرمی نزمدەبێتەوە.
بەڕێوەبەرایەتیی گشتیی کەشناسی و بومەلەرزەزانیی هەرێم بڵاویکردەوە، ئەمڕۆ یەکشەممە، ئاسمان نیمچەهەور دەبێت لەگەڵ بارینى تاوەباران و بوونی هەورەتریشقە، لە کات و شوێنی جیاجیا، هەروەها لە کاتەکانى شەودا ئەگەرى لێزمەباران و هەورەتریشقە هەیە لە ناوچەکانى باکورى هەرێم.
ئاماژەی بەوەشکرد، پلەی گەرمی بە 2 پلەی سیلیزی بەراورد بە تۆمارکراوەکانی دوێنێ نزمدەبێتەوە، جگە لە پارێزگاى دهۆک کە 2 پلە بەرزتر دەبێتەوە.
لەبارەی کەشی سبەی دووشەممەوە، کەشناسی دەڵێت، ئاسمان پەڵەهەور دەبێت و لە ناوچەکانى باکور نیمچەهەور بۆ هەورى تەواو دەبێت، لەگەڵ بارینى نمەباران و بوونی هەورەتریشقە، بەتایبەت لە ناوچەکانى باکور و باکورى رۆژهەڵات .
پێشبینیش دەکات، پلەی گەرمی بەراورد بە تۆمارکراوەکانی ئەمڕۆ نزمببێتەوە، جگە لە پارێزگای سلێمانى کە کەمێک بەرزتر دەبێتەوە.
پلەی گەرمیی پێشبینیکراو:
هەولێر : 31 پلەی سیلیزی
سلێمانی : 30 پلەی سیلیزی
دهۆک : 31 پلەی سیلیزی
کەرکوک : 36 پلەی سیلیزی
زاخۆ : 31 پلەی سیلیزی
هەڵەبجە : 32 پلەی سیلیزی
سۆران : 29 پلەی سیلیزی
حاجی ئۆمەران : 19 پلەی سیلیزی
گەرمیان :37 پلەی سیلیزی
