لە رێوڕەسمێکدا بەڕێوەبەرى گشتیی نوێى پەروەردەى سلێمانى دەستبەکاردەبێت.
رێوڕەسمەکە بەیانیی ئەمڕۆ بە ئامادەبوونى نوێنەرى نووسینگەى قوباد تاڵەبانى، جێگرى سەرۆک وەزیرانى هەرێم و هەڤاڵ ئەبوبەکر، پارێزگارى سلێمانى و شاهۆ عوسمان، جێگرى پارێزگارى سلێمانى و ژمارەیەک لە بەرپرسانى کەرتى پەروەردە بەڕێوەچوو.
لە رێوڕەسمەکەدا فەرمانى دەستبەکاربوون بەخشرایە نەژاد عەبدوڵا، وەک بەڕێوەبەرى گشتیی نوێى پەروەردەى سلێمانى، ئەمەش دواى خانەنشین بوونى مامۆستا دڵشاد عومەر، بەڕێوەبەرى گشتیی پێشووى پەروەردەى سلێمانى.
