وەزارەتی ئەوقاف: ناوتان لە هیچ کۆمپانیایەکی حەج و عومرە تۆمار مەکەن

وەزارەتی ئەوقاف و کاروباری ئایینی هەرێمی کوردستان ڕایگەیاند، تاوەکو ئێستا هیچ بڕیارێک نییە بۆ دەستپێکردنەوەی عومرە بۆ هاوڵاتییانی عێراق و هەرێمی کوردستان، داواشدەکەن هیچ کەسێک ناو لەلای کۆمپانیاکانی حەج و عومرە تۆمار نەکات.

لە ڕاگەیەندراوێکدا بەڕێوبەرایەتیی حەج و عومرەی سەربە وەزارەتی ئەوقاف و کاروباری ئایینی بڵاویکردەوە، “دوای وەستاندنی گەشتەکانی عومرە بەھۆی ڤایرۆسی کۆرۆنا لە 2020/2/28 تاوەکو ئەمڕۆ ھیچ بڕیارێکی فەرمی لەلایەن وڵاتی عەرەبستانی سعودیە-وە نییە بۆ دەستپێکردنەوەی گەشتەکانی عومرە بۆ ھاوڵاتییانی عێراق و ھەرێمی کوردستان”.

لە ڕاگەیەندراوەکەی وەزارەتی ئەوقاف-دا هاتووە، “ھاوڵاتییانی ئازیز ئاگاداردەکەینەوە تاوەکو بەڕێوەبەرایەتیی گشتیی حەج و عومرە بە فەرمی دەستپێکردنەوەی گەشتی عومرە ڕانەگەێنێت، ناوی خۆیان لای ھیچ  کۆمپانیایەکی تایبەت بە عومرەکاران تۆمارنەکەن.”

ئاماژەی بۆ ئەوەش کردووە، “سەرجەم کۆمپانیاکانی حەج و عومرە ئاگاداردەکەینەوە کە ناتوانن بەبێ دەرچوونی بریاری فەرمی لەلایەن بەڕێوەبەرایەتیی گشتیی حەج و عومرە ھیچ ھەنگاوێک بنێن، بە پێچەوانەوە بەپێی یاسا و رێنماییەکان مامەڵەيان لە گەڵدا دەكرێت.”

بابەتی پێشتر

پاش ماوەیەك بێدەنگبوون وتەبێژی پێشووی حكومەتی عێراق هاتە دەنگ

بابەتی دواتر

هەوڵەكان بۆ لابردنی ترەمپ دەستیان پێكرد

بابەتی پەیوەندیدار
Total
1
Share