بەڕێوەبەرایەتیی پۆلیسی پارێزگای سلێمانی هاوڵاتییان ئاگاداردەكاتەوە كە لە ئێستادا بەهۆی گرفتێكی تەكنیكییەوە هەردوو هێڵی گەرمی بەشی پۆلیسی فریاكەوتن ژمارە 104 و بەشی پۆلیسی نەهێشتنی تاوان ژمارە 105 لەكاركەوتوون.
لە راگەیەندراوەكەی پۆلیسی سلێمانیدا هاتووە، داوا لە هاوڵاتییان دەكەین لەكاتی بوونی هەر ڕووداوێكدا دەتوانن پەیوەندی بكەن بەسەنتەری هەماهەنگی ڕێكخەری پەیوەندییەكان ژمارە 100 یان ژمارە تەلەفۆنی ئێشكگری بەڕێوەبەرایەتی پۆلیسی پارێزگای سلێمانی (0533193148).
ئاماژە بۆ ئەوەش كراوە لە ئێستادا تیمە تەكنیكییەكانی كۆمپانیای كوردتێل سەرقاڵی چارەسەركردنی گرفتەكەن و لەماوەیەكی كەمدا هەردوو هێڵەكە دەكەونەوە كار و لە خزمەت هاوڵاتییاندا دەبن.
