بەهۆی کێشەی تەکنیکییەوە ژمارەیەک لە هێڵە گەرمەکانی سلێمانی لەکارکەوتن و داوادەکرێت تا کاتی چارەسەرکردنی هێڵی جێگرەوە بەکاربهێنن.
سەرچاوەیەکی ئاگادار لە جەی سی سی ژمارە (100)ی سلێمانی بە تۆڕی میدیایی ئێستای راگەیاند، بەهۆی گرفتی تەکنیکییەوە هێڵە گەرمەکانی 115 ی بەرگریی شارستانیی سلێمانی، 122 ی سەنتەری فریاکەوتن، 106 ی ئاسایش، 104 ی پۆلیس لەکارکەوتوون.
ئاماژەی بەوەشکرد، تا ئەو کاتەی گرفتەکە چارەسەر دەبێت هاوڵاتییان دەتوانن پەیوەندی بە ژمارە 100 ی جەی سی سی بکەن و داواکارییەکانیان دەگەیەنن.
