وەك باشترین سەنتەری چارەسەری جەڵتەی مێشك خەڵاتێکی نێودەوڵەتی بە نەخۆشخانەی شار بەخشرا.
بەڕێوەبەرایەتیی تەندروستیی سلێمانی بڵاویکردەوە، بۆ جاری دووەم كۆمەڵەی نێودەوڵەتیی بۆ جەڵتەی مێشك خەڵاتێكی نێودەوڵەتی بەخشییە بەشی هەناویی مێشك و دەماری نەخۆشحانەی شار وەك باشترین و یەكەم سەنتەری چارەسەری جەڵتەی مێشك لەسەر ئاستی عێراق و ئەو كەیسانەی تێدا چارەسەر دەكرێت.
ئاشکراشیکرد، خەڵاتەكەی ئەمساڵی كۆمەڵەی نێودەوڵەتیی بۆ جەڵتەی مێشك بۆ نەخۆشخانەی شار پلاتینیۆمە و پلەیەك بەرزترە لە خەڵاتی ساڵی رابردوو.
جەختیشیکردەوە، ئەو خەڵاتەی پێیان بەخشراوە هاوشێوەی وڵاتانی زۆر پێشكەوتووە بۆیە پێیان بەخشراوە بەشی هەناوی مێشك و دەماری نەخۆشحانەی شار باشترین سەنتەری چارەسەری جەڵتەی مێشكە.
