بڕیارە هاتوچۆی گەشتیاری لەنێوان ئێران و هەرێمی كوردستان ئاسایی ببێتەوە، وتەبێژی دەروازەی پەروێزخان دەڵێت، لەمڕۆوە دەبێت، بەڵام هێشتا بەفەرمی بڕیارەكەیان پێنەگەیشتووە.
عەباس ئیسماعیل، وتەبێژی دەروازەی نێودەوڵەتیی پەروێزخان بە تۆڕی میدیایی ئێستای وت، کۆماری ئیسلامی ئێران بڕیاریدا لەمڕۆوە هاتوچۆی گەشتیاری لە مەرزی پەروێزخان ئاسایی بێتەوە.
وتیشی، “بەڵام تائێستا بەفەرمی ئاگادارنەکراوینەتەوە، چاوەروان دەکەین لە دوو ڕۆژی داهاتوودا بەفەرمی پێمان ڕابگەیەنرێت”.
ساڵی ڕابردوو بەهۆی بڵاوبوونەوەی پەتای كۆرۆنا، گەشتەكانی نێوان هەرێم و ئێران ڕاگیران، لەمساڵیشدا بەهۆی ترس لە جۆرە گۆڕاوەكانی ڤایرۆسەكە گەشتی نێوان هەردوو وڵات تەنها بۆ نەخۆشی و خوێندن ڕێگەی پێدەدرا.
