بومەلەرزەیەکی بەهێز هەردوو وڵاتی ئەرژەنتین و چیللی هەژاند و هۆشداریی لە دروستبوونی تسۆنامی دەدرێت.
دەستەی جیۆلۆجی ئەمریکی بڵاویکردەوە، ئەمڕۆ هەینی بومەلەرزەیەک بە گوڕی 7.4 پلە بە پێوەری رێختەر کەناراوەکانی باشووری چیلیی و ئەرژەنتینیان هەژاند.
لای خۆیانەوە بەرپرسانی چیللی داوایانکردووە هاوڵاتییان بەپەلە کەناراوەکان جێبهێڵن بەهۆی بەرزبوونەوەی شەپۆلی زەریای هێمن و مەترسی دروستبوونی تسۆنامی.
هاوکات حکومەتی ئەرژەنتین جەختیکردەوە، بومەلەرزەکە زیانی لێنەکەوتووەتەوە، بەڵام سەرجەم چالاکییەکانی ناو ئاو و نزیک کەناراوەکان بۆ ماوەیەک راگیراون.
