شارەزایەكی بواری كەشناسی رایدەگەیەنێت، لە درەنگانی ئەمشەودا تاوەبارانی بەخووڕ و تەرزە چەند ناوچەیەك دەگرێتەوە.
هەڤاڵ سدیق گەڵۆزی شارەزای كەشناسی رایگەیاند، لە ئێستادا بارستە هەوری چڕی كەڵەكەبووی باراناویی ئاسمانی ناوچەكانی پارێزگای نەینەوا، ئیدارەی سەربەخۆی زاخۆ، پارێزگاكانی دهۆك، ئەنبار، و ناوەڕاست و باشووری عێراق هەیە كە هەڵگری تاوە بارانی بەخووڕە.
دەشڵێت، “درەنگانی ئەمشەو كاریگەرییەكەی دەگاتە ناوچەكانی هەرێمی كوردستان و تاوەبارانی خووڕ و هەورەبروسكەی بەهێز و لە هەندێك شوێن تەرزەی لەگەڵدایە”.
