توێژینەوەیەکی جیهانیی نوێ ئاشکرایکردووە، ئاستی بەختەوەری و هەستکردن بە دڵخۆشی لەناو گەنجاندا بەراورد بە ساڵانی رابردوو رووی لە دابەزین کردووە.
توێژینەوەکە لەلایەن توێژەرانی زانکۆی هارڤارد و پایلۆر ئەنجامدراوە و 200 هەزار کەس لە 20 وڵاتی جیهانەوە بەشدارییان تێداکردووە.
توێژەران لە توێژینەوەکەدا بۆیان دەرکەوتووە، گەنجان بە تایبەت لەنێوان تەمەنی 18-29 ساڵان، تووشی کێشەی تەندروستی عەقڵی و جەستەیی بوونەتەوە و رووبەڕووی ئالنگاریی گەورە بوونەتەوە کە بتوانن مانایەک بە ژیانیان ببەخشن و بونیادی پەیوەندییە کۆمەڵایەتییەکانیان بکەن.
بەپێی ئەنجامی توێژینەوەکە، بەختەوەری لە گەنجاندا لە نیوە کەمترە، لەگەڵ ئەوەشدا ئاستی دڵەڕاوکێ و خەمۆکی زیادبووە و لەگەڵیشیاندا بەشدارییکردن لە چالاکییە کۆمەڵایەتییەکان کەمیکردووە.
بەرای توێژەران، بەسەربردنی کات بەدیار شاشەکانەوە، دوورکەوتنەوەی کۆمەڵایەتی، شوێنکەوتنی بابەتە رووکەشیی و جوانکارییەکان هۆکاری سەرەکی دۆخەکەن.
