دۆناڵد ترەمپ، سەرۆکی ئەمریکا رایگەیاند، دانوستانەکان لەگەڵ ئێران سەبارەت بە بەرنامە ئەتۆمییەکەی، بەباشی بەڕێوەدەچێت و دەشڵێت، گەیشتن بە رێککەوتن باشترە لە بەکارهێنانی بۆمب.
ترەمپ سەبارەت بە دانوستانەکانی ئەمریکا و ئێران لە لێدوانێکدا رایگەیاند، لە ئاستێکی باشدایە و ئەگەری ئەنجامدانی رێککەوتنێکی یەکلاکەرەوە لەگەڵ تاران لەئارادایە.
ئاماژەی بەوەشدا، گەیشتن بە رێککەوتن لەگەڵ ئێران، بژاردەیەکی باشترە لە بەکارهێنانی بۆمب وەک چارەسەرێکی جێگرەوە و ئێمە دەمانەوێت، کۆتایی بە کێشەی ئێران بهێنین.
ئەمریکا و ئێران تائێستا سێ خولی دانوستانی ناڕاستەوخۆیان بە نێوەندگیریی عومان ئەنجامداوە و هەردوولایەن، گفتوگۆکان بە “بونیاتنەر” وەسفدەکەن.
