وەزارەتی بەرگریی سعودیە رایگەیاند، “فڕۆکەیەکی جەنگی جۆری F15-SE لە میانەی ئەنجامدانی مەشق و راهێنانی رۆتینی خۆیدا لە پارێزگای رۆژهەڵات کەوتووەتە خوارەوە و تیمەکەش گیانیان لەدەستداوە”.
تورکی مالیکی، وتەبێژی وەزارەتی بەرگریی سعودیە لە بەیاننامەیەکدا ئاماژەی بەوەکرد، “کاتژمێر 12:50 خولەکی ئەمڕۆ، لەکاتی ئەنجامدانی ئەرکێکی مەشق و راهێنان لە بنکەی ئاسمانی شا عەبدولعەزیز لە شاری دەهران فڕۆکەیەک کەوتووەتە خوارەوە”.
ئەوەشی خستووەتەڕوو، “لیژنەیەکی لێکۆڵینەوە پێکهێندراوە و دەستیان بە ئەرکەکانی کردووە بۆ زانینی وردەکاری هۆکارەکانی ڕووداوەکە کە لە ئەنجامدا تیمی فڕۆکەوانی فڕۆکەکە گیانیان لەدەستداوە”.
