لە ئاکامى وەرگەڕانى ئۆتۆمبێلێک لەسەر رێگاى کەلار-دەربەندیخان پێنج کەس برینداربوون و رەوانەى نەخۆشخانە کران.
هاتوچۆى گەرمیان رایگەیاند، رووداوەکە بەیانیى ئەمڕۆ لە نزیک گوندى بانیخان بووە، ئۆتۆمبێلێکی جۆری هۆندا/ سەنتافی کە بە ئاراستەی دەربەندیخان رۆیشتووە، کۆنترۆڵی لەدەستدا و وەرگەڕا.
باسى لەوەشکرد، بەهۆیەوە شۆفێر و چوار سەرنشینى ئۆتۆمبێلەکە برینداربوون و رەوانەى نەخۆشخانەى شەهید مەلا ئەحمەد کەلاری لە باوەنور کران.
دەشڵێت، لەلایەن تیمی هاتوچۆوە لێکۆڵینەوە لە رووداوەکە دەستیپێکردووە.
