ئەنجومەنی زانکۆی سۆران ئاشکرایکرد کە بەهۆی دابەزینی پلەکانی گەرما و کێشەی هاتوچۆ تاقیکردنەوەکانی ڕۆژانی شەممە و یەکشەممەی دواخستووە بۆ ڕۆژانی دواتر.
لە راگەیەندراوی ئەنجومەنی زانکۆی سۆراندا هاتووە، “لەکاتێکدا کە پلەکانی گەرما بە شێوەیەکی بەرچاو دابەزیوون، هاوکات ئاستەنگی جددی بۆ هاتوچۆ دروستبووە، بۆیە لەپێناو بەرژەوەندیی گشتی و سەلامەتیی قوتابیان، بڕیاردرا لە سەر دواخستنی تاقیکردنەوەکانی ڕۆژانی شەممە و یەکشەممە”.
بەپێی بڕیاری ئەنجومەنەکە، تاقیکردنەوەکانی ئەو ڕۆژانە بۆ ڕۆژانی دواتر، واتە دووشەممە و سێشەممە دوادەخرێن.
هەروەها ئاماژە بەوەشکراوە، کە لیژنەی تاقیکردنەوەکان وردەکاریی زیاتری گۆڕانکارییەکانی خشتەی تاقیکردنەوەکان بڵاودەکەنەوە.
