جەعفەر شێخ مستەفا، رایگەیاند، “یەکێتییەکەمان دەچێتە قۆناغێکی نوێوە”.
جەعفەر شێخ مستەفا، لێپرسراوی ئەنجومەنی پاراستنی بەرژەوەندییە باڵاکانی یەکێتیی نیشتمانیی کوردستان، لە دووەمین دیداری یەکێتیدا لە سلێمانی رایگەیاند، “یەکێتییەکەمان لە نوێبوونەوەدایە و دەچێتە قۆناغێکی نوێوە، ئێمە لە حزبێک زیاترین دیدگایەکین بۆ کەسوکاری شەهیدان و نەوەکانی داهاتوو”.
باسی لەوەشکرد، “کوردستان و ناوچەکە لەڕووی سیاسی، کۆمەڵایەتی و ئابوەرییەوە رووبەڕووی ئاڵنگاری دەبنەوە بۆیە پێویستە چاکسازی لە دامودەزگاکاندا بکەین بەجۆرێک رێز لە رابردوومان بگرین و داهاتوومان دەستەبەربکەین”.
