ئەمڕۆ یەكشەممە لە نووسراوێكدا كە واژووی ئومێد سەباح سەرۆكی ئەنجومەنی دیوانی وەزیرانی لەسەرە، تێیدا هاتووە، كە پڕۆژەی هەژماری من بكرێتە سەر وەزارەتی دارایی هەرێم لە ژێر ناوی پڕۆسەی بەبانكیكردنی مووچەی مووچەخۆران.
لە نووسراوەكەدا ئاماژەی بەوەشكراوە، وەزارەتی دارایی سەرپشك دەبێت بۆ بەڕێوەبردنی پڕۆژەكە لەبەر رۆشنایی یاسا و رێنماییە بەركارەكانی بانكی فیدراڵی و ئەژماری بانكی مووچەخۆران پارێزراو دەبێت بەگوێرەی هەمان یاسا و رێنماییەكانی بانكی فیدراڵی.
بەگوێرەی رێككەوتنەكە هەژماری مووچەی مووچەخۆران پارێزراو دەبێت و جگە لە خاوەنەكەی هیچ كەسێك بۆی نەبێت دەستكاری و مامەڵە بە هەژمارەكەوە بكات”.
ئەوەشخراوەتەڕوو ، دوای گواستنەوەی هەژماری من بۆ وەزارەتی دارایی و ئابوری دەرگا واڵا دەكرێت بۆ ئەو بانكانەی كە دەیانەوێت لە پڕۆسەكە بەشداریی بكەن و مووچەخۆر سەرپشك دەبن لە هەر بانكێك بیەوێت مووچەكەی بە بانكی بكات.
