لە میرنشینی شاریقەی سەر بە وڵاتی ئیمارات ئۆتۆمبێلی فڕیو نمایشکرا.
لە پێشانگایەکی تایبەت بە تەکنەلۆجیا لە میرنشینی شاریقەی سەر بە وڵاتی ئیمارات، بۆ یەکەمجار ئۆتۆمبێلی فڕیو بە ناونیشان PAL-V gyroplane نمایشکرا.
رۆژنامە عەرەبییەکان بڵاویانکردەوە، ئۆتۆمبێلە فڕیوەکە لە ساڵی 2008ەوە پلانی جێبەجێکردنی ئامادەکراوە و بە جۆرێک دیزاین کراوە، کە دەتوانێت لەسەر رێگای وشکانی بڕوات و لەهەمانکاتدا بە ئاسمانیشدا بفڕێت بەهۆی هەبوونی زیاتر لەیەک بزوێنەری میکانیکی و چەند تایبەتمەندییەکی جیاوازەوە.
رۆبەرت دینگمانس بەڕێوەبەر و دامەزرێنەری کۆمپانیای دروستکاری ئۆتۆمبێلە فڕیوەکە ئەوەی خستەڕوو، ئۆتۆمبێلە فڕیوەکە سەرنجی زۆرێک لە هاوڵاتییان و وەبەرهێنەرانی جیهانی بەلای خۆیدا راکێشاوە و بە بەهای 150 ملیۆن یۆرۆ داواکاریی پێشوەختەیان بۆ کڕینی پێشکەشکردووە.
