عەلی رەئووف، نوێنەری گشتیی مامۆستایانی گرێبەست رایدەگەیەنێت، بەپێی نووسراوێكی وەزارەتی پەروەردە تیایدا ئاماژە بەوەكراوە، بەمەبەستی رێكخستنەوە و دیاركردنی ناونیشانی مامۆستایانی گرێبەست، چەند بڕیارێك دراوە كە بەپێی فەرمانە وەزاریییەكەی پەروەردە ئەو مامۆستایانەی لە قۆناغی ئامادەیی دەوامدەكەن، ناونیشانی مامۆستای ئامادەیی وەردەگرن، جگە لە دەرچووانی كۆلێژی پەروەردە و پەیمانگەكان.
دەشڵێت، “بڕیاردراوە ئەو مامۆستایانەی لە قۆناغی بنەڕەتی دەوام دەكەن ، ناونیشانی مامۆستای بنەڕەتی وەردەگرن جگە لە دەرچووانی كۆلێژی پەروەردە”.
ئاماژەی بۆ ئەوەش كردووە، هەموو ئەو مامۆستایانەی دەرچووی كۆلێژی پەروەردەن و ئێستا لە قۆناغی بنەڕەتیدان، لە دەسەڵاتی بەڕێوەبەرایەتیی گشتیی پارێزگاكانە تاوەكوو دوو ساڵ، بە دانانی كاتی و لەسەر بنەمای پێویستی لەو قۆناغە بمێننەوە، دواتر بگوازرێنەوە بۆ قۆناغی ئامادەیی.
