مووچەی خانەنشینانی عێراق لە چەند مانگی داهاتوودا زیاددەکرێت و بڕەکەی ئاشکراکرا.
رۆژنامە عێراقییەکان بڵاویانکردەوە، وەزارەتی دارایی عێراق پلانی زیادکردنی مووچەی خانەنشینانی ئامادەکردووە و بڕیارە لە چەند مانگی داهاتوودا، بەدیاریکراوی لە مانگی حوزەیراندا جێبەجێبکرێت و سەرجەم خانەنشینان دەگرێتەوە.
ئاماژەیان بەوەشدا، بڕیاری زیادکردنی مووچەی خانەنشینان لە کەسێکەوە بۆ کەسێلی دیکە و لە پلەیەک بۆ پلەیەکی دیکە گۆڕانکاری بەسەردادێت و ئەو بڕە پارەیەی زیاددەکرێت جێگیر نییە.
ئەوەشیان خستەڕوو، بڕی پێشبینیکراو بۆ زۆرینەی خانەنشینان بریتییە لە 100 هەزار دینار، بە جۆرێک ئەگەر خانەنشینێک مووچەی 450 هەزار دینار بێت ئەوا دوای جێبەجێکردنی بڕیارەکە راستەوخۆ مووچەکەی دەبێتە بە 550 هەزار دینار.
