وەزارەتی پەروەردەی هەرێم رایدەگەیەنێت، بۆ ساڵی داهاتوو بەنیازن گۆڕانکاری لە دیزاین و رەنگی جلوبەرگی منداڵانی باخچە و خوێندکاراندا بکەن.
وەزارەتی پەروەردەی حکومەتی هەرێمی کوردستان لە راگەیەندراوێکدا بڵاویکردەوە، دیوانی وەزارەتی پەروەردە ئاگاداری بەخێوکارانی خوێندکاران و بازرگانانی جلوبەرگی ناوەندەکانی خوێندنی حکومی دەکاتەوە، کە بۆ ساڵی خوێندنی 2026-2027 گۆڕانکاری لە دیزاین و رەنگی جلوبەرگی منداڵانی باخچە و خوێندکاراندا دەکرێت، وەک ئەوەی لە یاسا و رێنماییەکان هەیە.
دەشڵێت، “لامان پەسەند بوو، کە هەر بەڕێزێک لەو بوارە کاردەکات، زیان نەکات و لەئێستاوە ئاگادار بن”.
