یەکێتیی نیشتمانیی کوردستان و پارتی دیموکراتی کوردستان لەبارەی کۆبوونەوەی ئەمڕۆیان لە پیرمام، راگەیەندراوێکی هاوبەشیان بڵاوکردەوە.
لە راگەیەندراوەکەدا هاتووە، ئەمڕۆ سێشەممە 15/4/2025، لە بارەگای مەکتەبی سیاسیی پارتی دیموکراتی کوردستان لە پیرمام، هەردوو شاندی دانوستانکاری یەکێتیی نیشتمانیی کوردستان و پارتی دیموکراتی کوردستان کۆبوونەوە.
ئەوەشخراوەتەڕوو، “لە کۆبوونەوەکەدا، کە لە کەشێکی دۆستانە و ئەرێنیدا بەڕێوەچوو، گفتوگۆ لەبارەی هەنگاوەکانی پێکهێنانی کابینەی نوێی حکومەت کرا و هەنگاوی ئیجابی و بەرەوپێشچوونی باش هەبوو”.
هەر لە راگەیەندراوە هاوبەشەکەدا هاتووە، “لە رۆژانی داهاتوودا کۆبوونەوەکان بەردەوامدەبن”.
