ئەمینداری گشتیی بزووتنەوەی بابلیون، دوای دەنگدان بۆ بە پارێزگابوونی هەڵەبجە لە ئەنجومەنی نوێنەرانی عێراق وەك 19يەمین، پارێزگای عێراق و دوای هەوڵە بەردەوامەكانی یەكێتیی نیشتمانی كوردستان، پیرۆزبایی لە بافڵ جەلال تاڵەبانی سەرۆكی یەكێتیی نیشتمانیی كوردستان دەكات.
لە پەیامەكەی رەیان كلدانی، ئەمینداری گشتیی بزووتنەوەی بابلیوندا هاتووە، “ئەم سەركەوتن و تێكۆشانە مێژووییە دەگەڕێتەوە بۆ ئەو قوربانیدانەی كە هاوڵاتییانی هەڵەبجە داویانە، ئەم هەنگاوە گرنگە بۆ داننان بەو كارەسات و نەهامەتییانەی كە بەسەر شارەكەدا هاتووە”.
هەر لە پەیامەكەیدا هاتووە، بڕیاری بەپارێزگابوونی هەڵەبجە پیرۆزە لە هەموو هەڵەبجەییەكان، ئەمە دەستكەوتێكی مێژووییە، دەستخۆشی لە هەموو لایەك دەكەین كە هەوڵیانداوە.
