هێزە ئەمنییەکانی هەولێر رێگری لە کۆنگرەیەکی رۆژنامەوانیی تایبەت بە خستنەڕووی گەندەڵی دەکەن.
پەیامنێرمان لە شاری هەولێر پێیڕاگەیاندین، ئەمڕۆ ئاسایشى هەولێر رێگرى لە کەسێک بە ناوى “فەرهاد ستونى” کرد کۆنگرەى رۆژنامەنووسى لە بەردەم دادگاى هەولێر ئەنجامبدات.
فەرهاد ستونی دەڵێت، دەیان بەڵگەى گەندەڵى لەبارەى فڕۆکەخانەى نێودەوڵەتیی هەولێر لایە، بەڵام هێزێکى زۆری ئەمنى، لە ئاسایشى مەدەنى رێگەیان پێنەدا کۆنگرە رۆژنامەوانییەکە ئەنجامبدات.
بەپێی زانیارییەکان، هۆکاری رێگریکردن لە کۆنگرە رۆژنامەنووسییەکە ئەوەیە کە بەڵگەکانى فەرهاد ستونی لەسەر باڵى دەستڕۆیشتووى پارتییە.
فەرهاد ستونی، پێشتر لە فڕۆکەخانەی هەولێر کارمەند بووە و چەند جارێکیش کۆنگرەى رۆژنامەنووسى ئەنجامداوە.
