کۆمسیۆنی باڵای سەربەخۆی هەڵبژاردنەکان بڵاویکردەوە، لە 15 ی ئەم مانگەوە تۆمارکردنی ناوی لیست و حزب و هاوپەیمانی و کەسایەتییەکان بۆ هەڵبژاردنی ئەنجومەنی نوێنەران دەستپێدەکات.
جومانە غەلای وتەبێژی کۆمسیۆنی باڵای سەربەخۆی هەڵبژاردنەکان رایگەیاند، لە 15 ی نیسانەوە تۆمارکردنی هاوپەیمانییە سیاسییەکان بۆ هەڵبژاردنی پەرلەمانی عێراق دەستپێدەکات و تا 4 ی ئایار بەردەوامدەبێت.
ئاشکراشیکرد، پێویستە نوێنەری هاوپەیمانییە سیاسییەکان سەردانی فەرمانگەی کاروباری حزب و رێکخراوە سیاسییەکان بکات بە مەبەستی خۆتۆمارکردن.
