بەڕێوەبەرایەتیی هاتوچۆی زاخۆ رایدەگەیەنێت، لە سەنتەری شارەکە رووداوێکی هاتوچۆ روویداوە و بەهۆیەوە کەسێک برینداربووە.
بەپێی راگەیەندراوێکی بەڕێوەبەرایەتیی هاتوچۆی زاخۆ کە وێنەیەکی دەست تۆڕی میدیایی ئێستا کەوتووە و تێیدا هاتووە، کاتژمێر 10ـی بەیانیی ئەمڕۆ یەکشەممە، لە ناو سەنتەری شاری زاخۆ ئۆتۆمبێلێکی تایبەت لە جۆری BMW خۆی کێشاوە بە ستونێکی کارەبادا.
هاتوچۆی زاخۆ دەڵێت، پاش ئەوەی خۆی کێشاوە بە ستونە کارەباکەدا، دواتر خۆیشی کێشاوە بە ئۆتۆمبێلێکی تایبەت لە جۆری LEXUS و لە ئەنجامدا، شۆفێری BMW ـەکە برینداربووە و زیانی ماددییش بەر هەردوو ئۆتۆمبێلەکە و ستونە کارەباکە کەوتووە.
