ڕووداوێکی هاتوچۆ لە نێوان بەردەڕەش و ڕۆڤیا ڕوویدا، بەهۆیەوە کەسێک گیانیلەدەستدا و دوو كەسی تر برینداربوون.
پەیامنێرمان لە پارێزگای دهۆک ڕایگەیاند، ئەمشەو لەسەر ڕێگای نێوان قەزای بەردەڕەش و ناحیەی ڕۆڤیا و لە نزیک گوندی ئامنیان، ڕووداوێكی هاتوچۆ لە جۆری پێكدادان ڕوویدا.
ڕووداوەكە لە نێوان ئۆتۆمبێلێکی تایبەت و بارهەڵگرێكدا ڕوویداوە و پەیامنێرمان وتی، بەهۆیەوە کەسێک گیانیلەدەستداوە و دوو کەسیش برینداربوون.
هاوكاتی ڕووداوەكەی پارێزگای دهۆك، ڕووداوێكی هاتوچۆ لە نێوان چوار ئۆتۆمبێل لە شەقامی 120 مەتریی هەولێر ڕوویدا و بەهۆیەوە ژمارەیەك لە سەرنشینەكان برینداربوون.
بەپێی زانیارییەکان، ئەو کەسەی گیانیلەدەستداوە تەمەنی 26 ساڵە و خوێندکاری کولێژی ئەندازیارییە و نیشتەجێی قەزای بەردەڕەشە.
