دووەمین کۆنفرانسی راگەیاندنی یەکێتیی نیشتمایی کوردستان کۆتاییهات و بڕیاریشە سەرجەم بڕیار و راسپاردەکان ئاڕاستەی مەکتەبی سیاسی و سەرۆکایەتیی یەکێتی بکرێن.
راگەیاندنی رەسمی یەکێتیی نیشتمانیی کوردستان ئاماژەی بەوە کردوە، “دووەمین کۆنفرانسی راگەیاندنی یەکێتی بە سەرکەوتووی کۆتایی هاتوو و کۆی هەر پێنج لیژنەکە راپۆرتەکانیان پێشکەشکرد و لیژنەی سەرپەرشتاری کۆنفرانسەکەش لەو راپۆرتانە پوختەیەکی پێشکەشی هەریەک لە لێپرسراوی مەکتەبی راگەیاندن و هۆشیاری و لێپرسراوی بۆردی راگەیاندنی یەکێتی کرد”.
دەشڵێت، “بڕیاریشە سەرجەم بڕیار و راسپاردەکان لەڕێی لێپرسراوی مەکتەبی راگەیاندن و هۆشیاری و لێپرسراوی بۆردی راگەیاندنی یەکێتییەوە ئاڕاستەی مەکتەبی سیاسی و سەرۆکایەتیی یەکێتیی نیشتمانیی کوردستان بکرێن”.
