وتەبێژی بازاڕی دراوی شاری سلێمنی رایگەیاند، دوای کۆبوونەوەی نێوان وەفدی ئەمریکا و ئێران، پێشبینی بەرزبوونەوەی بەهای تمەن دەکرێت.
جەبار گۆران، وتەبێژی بازاڕی دراوی شاری سلێمانی رایگەیاند، دوای کۆبوونەوەکەی نێوان ئەمریکا و ئێران پێشبینی بەرزبوونەوەی بەهای تمەن دەکرێت.
ئاماژەی بەوەشدا، لە ئێستادا بەهای 100 دۆلاری ئەمریکی لە بەرامبەر هەشت ملیۆن تمەندایە و پێشبینی دەکرێت بەهاکەی بەرزبێتەوە.
ئەوەشی خستەڕوو، هۆکاری سەرەکی بۆ بەرزبوونەوەی بەهای تمەن بەهۆی کۆبوونەوەی نێوان وەفدی ئەمریکا و ئێرانەوەیە، کۆبوونەوەی ئەو دوو وڵاتەش بە واتای دروستبوونی لێکتێگەیشتن دێت.
