شارەزایەکی بواری کەشناسی رایدەگەیەنێت، ئەمشەو کۆتایی بە شەپۆلی بارانبارین دێت و سبەی هەینی، پلەی گەرمی زیاتر دادەبەزێت.
سیروان ساڵح، شارەزای بواری کەشناسی رایگەیاند، دوای کۆتاییهاتنی چەند تاوێکی کەمی باران و هەورەبروسکە، لە ئێوارەی ئەمڕۆ پێنجشەممەوە تاوەکو درەنگانێکی ئێوارە و هەندێک کاتی کەمی ئەمشەو، کۆتایی بە کاریگەریی ئەو شەپۆلە لاوازە دێت کە له دوێنێ شەوەوە ناوچەکەی گرتووەتەوە.
ئاماژەی بەوەشکرد، ئەمشەو خێرایی با کەمدەبێتەوە و کەشوهەوا جێگیر دەبێتەوە.
ئەوەشیخستەڕوو، سبەی هەینی کەش خۆش و جێگیر دەبێت و پلەی گەرمییش، چەند پلەیەک دادەبەزێت.
